Aire air rèidio malairteach ionadail

13.05.2019

Bidh aire BPA na Comataidh Cultair, Turasachd, na Roinn Eòrpa agus Cùisean Taobh a-muigh air rèidio malairteach ionadail agus an sgrùdadh aca air a’ chuspair a’ leantainn aig coinneamh an t-seachdain sa tighinn.  

San Dàmhair 2018 chaidh na riaghailtean a bha a’ mìneachadh dè bha ionadail a’ ciallachadh a thaobh rèidio malairteach ionadail atharrachadh leis an riaghladair OFCOM. Mar thoradh air sin, chaidh an ìre as lugha de phrògraman a dh’fheumar a dhèanamh gu h-ionadail a lùghdachadh bho 43 uairean a thìde gach seachdain gu 15 uair a thìde.

A’ leantainn air an atharrachadh seo, dh’innis Global Radio o chionn ghoirid gu robh iad ag atharrachadh a’ chlàr phrògraman aca ann an Alba. Dh’fhaighnich a’ Chomataidh dhaibh sa Mhàrt carson a cho-dhùin iad am prògramadh ann an Alba a lùghdachadh agus a’ bhuaidh a bhiodh aige air an luchd-èisteachd aca.

Leanaidh an rannsachadh air Diardaoin 16 Cèitean nuair a chluinneas iad bho OFCOM, DC Thomson agus Bauer Radio.

Thuirt Neach-gairm na Comataidh Seonag Nic Ailpein BPA: 

“Tha e air leth cudromach gu bheil lìonra craolaidh rèidio ionadail soirbheachail ann an Alba le tasgadh ann am prògraman a tha gan dèanamh ann an Alba.

“Tha Bauer Radio agus DC Thomson nan craoladairean cudromach ann an Alba agus leis na h-atharrachaidhean a chaidh a chur an cèill le Global Radio, tha a’ Chomataidh gu mòr airson cluinntinn bhuapa mun bhuaidh a dh’fhaodadh a bhith air na seanailean aca, air sgàth nan atharrachaidhean a dh’fhoillsich OFCOM o chionn ghoirid.

Cùl-fhiosrachadh

Seall ris a’ Chomataidh beò air Diardaoin 16 Cèitean. Faigh tuilleadh fiosrachaidh.